Մեր մասին
Հայաստանի Կիբերսպորտի Ֆեդերացիան մեկնարկել է իր գործունեությունը 2021 թվականին՝ նպատակ ունենալով հնարավորինս հասարակայնացնել և զարգացնել կիբերսպորտը ՀՀ-ում։ Մեր նպատակն է օգնել հնարավորինս մեծ թվով հայ կիբերմարզիկների հանդես գալ կիբերսպորտի համաշխարհային հարթակներում և հայտնիություն ձեռք բերել։ Մենք վստահ ենք, որ մեր գործունեությունը հնարավություն է տալու բազմաթիվ մարդկանց տեսնել և կառուցել իրենց ապագան կիբերսպորտում։
ՀԿՖ-ի հիմնական գործառույթների մեջ մտնում են
ՀՀ բնակչությանը հնարավորինս մանրամասն տեղեկացված պահել արդիական սպորտաձևի զարգացումից և նորություններից
ՀՀ-ում պարբերաբար անցկացնել կիբերսպորտային առաջնություններ, կազմակերպել ուսուցողական և տեղեկատվական լսումներ
Վերահսկել և աջակցել ՀՀ-ում այլ առաջնությունների օպերատորներին, անել հնարավորինս խթանելու համար կիբերսպորտի զարգացումը
Մեր հնարավորություների ողջ ներուժով օգնել բարձր ցուցանիշներ ցույց տված կիբերմարզիկներին հանդես գալ միջազգային հարթակներում
Տեսակներ և խաղեր
Տակտիկական խաղեր
Առաջին դեմքից տակտիկական խաղեր , որտեղ թիմերը պայքարում են նշանակետին հասնելու և հաղթելու համար։ Օրինակ՝ Counter-Strike:Global Offensive, Call of Duty, Overwatch, PUBG և այլն։
Ռազմավարական խաղեր
Խաղեր, որտեղ թիմերը մրցում են հակառակորդի հիմնական կառույցը ոչնչացնելու համար։ Օրինակ՝ League of Legends, Dota2 և այլն։
Սիմուլյատոր խաղեր
Բոլորիս հայտնի սպորտաձևերի վիրտուալ տարբերակները՝ ֆուտբոլ, բասկետբոլ և այլն։ Օրինակ՝ FIFA, NBA2K և այլն։
Մարտական խաղեր
Խաղեր, որտեղ մասնակիցները օգտագործում են իրենց խաղային յուրահատուկ հնարավորությունները հակառակորդին հաղթելու համար։ Օրինակ՝ Street Fighter, Tekken և այլն։
Հայաստանի կիբերսպորտի ֆեդերացիայի մասին
Հայաստանի Կիբերսպորտի Ֆեդերացիան (ՀԿՖ, անգլ․ Armenian Esports Federation) հասարակական կազմակերպություն է, որը պատասխանատու է Հայաստանի Հանրապետությունում կիբերսպորտի զարգացման համար։