Ուրախ ենք ձեզ հայտնել, որ դեկտեմբերի 20-ից 25-ը կայացավ Հայաստանի Կիբերպսորտի Ֆեդերացիայի կողմից կազմակերպված League of Legends Ձմեռային Գավաթը։
Առաջնության գլխավոր գործընկերն էր ArLeAm ընկերությունը, հովանավոր էր նաև VEGA ընկերությունը։ VEGA խանութների ցանցը ապահովել էր գավաթի մրցանակային ֆոնդը` 1-ին հորիզոնականը զբաղեցրած թիմին 5 հատ Thermaltake U FIT, 2-րդ հորիզոնական` 5 հատ խաղային ստեղնաշար LOGITECH G413, 3-րդ հորիզոնական` 5 հատ խաղային մկնիկ LOGITECH G305 և 4-րդ հորիզոնական` 5 հատ ներխաղային լեգենդար սքիներ։
Ձմեռային Գավաթի մասնակից թիմերի քանակը 12-ն էր։
Համառ պայքարի արդյունքում առաջին հորիզոնականը զբաղեցրեց GTE թիմը, 2-րդ՝ Bidzeq, 3-րդ՝ JoJoe Biden և 4-րդ՝ GLT: Հաղթող թիմերին մրցանակները հանձնեց Ֆեդերացիայի Նախագահ Սմբատ Սիրադեղյանը։
Առաջնության եզրափակչին, որը կայացավ դեկտեմբերի 25-ին Ամիրյան փողոցում գտնվող Holiday Inn հյուրանոցում, մասնակիցներին և հանդիսատեսին ամբողջ օրը ուղեկցեցին Jinx-ը և Miss Fortune-ը։ Եզրափակչի ընթացքում վիճակահանության միջոցով ներկաներից շատերը ստացան նվերներ` League of Legends-ի բաժակներ, գլխարկներ, ArLeAm ընկերության կողմից պատրաստված զամբյուղներ, և իհարկե վիճակահանության գլխավոր մրցանակը` League of Legends LOGITECH G PRO խաղային մկնիկ։
League of Legends Ձմեռային Գավաթի լուսաբանումը իրականացրեց Vivaro TV հեռուստաընկերությունը։