1․ Ընդհանուր դրույթներ
1.1. Առաջնության մասնակիցները պարտավոր են պահպանել սույն կանոնները և հետևել հրահանգներին։
1.2. Մրցաշարի կազմակերպմամբ և անցկացմամբ զբաղվում է Մրցավարների հանձնաժողովը, որը որոշումներ է կայացնում սույն կանոններին համապատասխան: Եթե իրավիճակը նկարագրված չէ կանոններում, մրցաշարի գլխավոր մրցավարը կարող է որոշում կայացնել իր հայեցողությամբ, եթե դա երաշխավորում է արդար խաղ:
1․3․ Մասնակցելով մրցաշարային շրջափուլի ցանկացած գործողության՝ մասնակիցը համաձայն է պահպանել սույն կանոնակարգերը և մրցաշարի կանոնները և համաձայն է, որ կանոնների խախտման դեպքում նրան կարող են որակազրկել մրցաշարից:
1․4․ Մրցաշարի մրցանակային գումարը վճարվում է մրցաշարի ավարտից հետո 60 աշխատանքային օրվա ընթացքում: Շահումների և մրցանակների միջոցով եկամուտների համար սահմանվում է անհատական եկամտահարկի դրույքաչափ՝ 21%:
1․5․ Մրցանակային տեղեր զբաղեցրած մասնակիցները պետք է տրամադրեն անձը հաստատող փաստաթղթերի լուսանկարներ(սքաներ) և բանկի անունով անձնական հաշիվ: Մրցանակ շահած յուրաքանչյուր մասնակից պետք է տրամադրի անհրաժեշտ տվյալները մեկ թղթապանակում: Եթե որևէ տվյալ բացակայում է, մրցանակային գումարը չի վճարվի: Եթե մրցանակային գումարի հաշվեգրումը պետք է իրականացվի երրորդ անձի, ապա կարևոր է տրամադրել նրա փաստաթղթերի սկանավորումը և մասնակցի համաձայնություն:
1․6․ Մրցաշարին կարող են մասնակցել 16 տարին լրացած ՀՀ քաղաքացի և բնակիչ հանդիսացող կանայք և տղամարդիկ ովքեր բնակում են Հայաստանի Հանրապետության տարածքում:
1․7․ Կազմակերպիչն ունի ոչ բացառիկ իրավունքներ ձայնի, պատկերի, ներառյալ անձինք և անուններ օգտագործելը, այդ թվում շոու ծրագրերի գովազդային ազդարարման մեջբերման, պատճենման, օգտագործման իրավունք, բայց նա չի սահմանափակվում այսքանով: Կարող է վերարտադրել, փոփոխել, հարմարեցնել, հրապարակել, թարգմանել, ցուցադրել, տարածել հեռարձակել և փոխանցել ձայն և պատկեր ներառյալ, ցանկացած ձևով անուններ առանց նախնական ծանուցման կամ այլ ձևով որևէ փոխհատուցում մասնակցին և (կամ) խաղացողին: Մասնակիցը, ի միջի այլոց, հաստատում է, որ նա լիազորում է կազմակերպչին օգտագործել նկարը շոու ծրագիր ստեղծելու համար և այն օգտագործել գովազդային կամ այլ լուսանկարչական, վիդեո, հեռուստատեսային և այլ նյութերի արտադրության մեջ, որոնք չեն վնասի մասնակցի իմիջը: Կազմակերպիչը պետք է իրավունք ունենա արտադրելու, բաշխելու և օգտագործելու վերը նկարագրված նյութերը երկրի տարածքում առանց բացառության և չսահմանափակված օգտագործման ժամանակով:
1․8․ Անհրաժեշտ է խաղի լիցենզավորված և Steam-ում վերջինը հրապարակված տարբերակը:
1.9. Մասնակիցը պետք է օգտագործի միայն մեկ լիցենզավորված հաշիվ և կեղծանուն: Մի քանի հաշիվ ունենալն արգելվում է։ Ցանկացած գործողություն, որը նպատակ ունի խաղային հաշիվը ուրիշին փոխանցելու արգելվում է։ Ցանկացած փոփոխության մասին մասնակիցը պետք է տեղեկացնի կազմակերպչին։
1.10. Թույլատրվում է գրանցել հիմնական կազմի 5 (հինգ) խաղացողի: Թիմի կազմը պետք է անփոփոխ լինի ամբողջ մրցաշարի ընթացքում: Մրցաշարի մեկնարկից հետո փոխարինումներն արգելվում են:
1.11. Հանդիպման մեկնարկից 15 րոպե և ավել ուշացման դեպքում մասնակիցը կարող է տեխնիկական պարտություն կրել խաղում:
1.12. Մրցափուլերից մեկում հաղթելուց հետո 5 րոպեի ընթացքում յուրաքանչյուր հաղթող թիմ պետք է արդյունքը Discord-ի համապատասխան ալիքում:
1.13. Մրցավարները կարող են որոշել ցանկացած խաղ վերախաղարկել:
1.14. Վերջնական որոշումները կայացվում են մրցավարների կողմից և կարող են բողոքարկվել Discord չաթում: Մրցավարների վերջնական որոշումը բողոքարկման ենթակա չէ։
1.15. Բոլոր բողոքները պետք է հիմնավորված լինեն ապացույցներով: Մասնավորապես, պետք է օգտագործել սքրինշոթներ (screenshots)։ Առանց սքրինշոթի (screenshots) բողոքները չեն ընդունվի։
2․ Տեղեկություններ մրցաշարի մասին
2․1․Մրցաշարն անցկացվում է Double Elimination ձևաչափով, որը կանցկացվի Bo3 տարբերակով :
2․2․ Մրցաշարի գրանցումն ավարտվում է մրցաշարի մեկնարկից երեք օր առաջ (մարտի 21):
2․3․ Խաղի կարգավորումներ
- Խաղի ռեժիմ ՝ Կապիտանների ռեժիմ
- Սերվերի գտնվելու վայրը ՝ Մոսկվա
- Թույլատրվում է հետևել խաղացողին
- DotaTV-ի ուշացում - 3 րոպե
- Մարզիչի ներկայությունը - արգելվում է
2․4․ Հանդիպման մեկնարկից առաջ թիմերը, համաձայնության գալով, կարող են փոխել սերվերի գտնվելու վայրը՝ տեղեկացնելով մրցավարին: Խաղի մեկնարկից հետո ընտրված սերվերի հետ կապված հայցերը չեն քննարկվի:
2.5. Խաղին մասնակցում են 5-ական մասնակիցներից բաղկացած 2 թիմ:
2.6. Այն թիմը, որն ընթացիկ խաղում բարձր է մրցաշարային աղյուսակում, պետք է ստեղծի խաղի նախասրահ/լոբբի:
2.7. Խաղի նախասրահում կարող են լինել միայն մասնակիցները, մրցավարները և մեկնաբանները:
2.8. Ընտրության կարգը
Առաջին խաղը ավտոմատ է (մետաղադրամի նետում):
Երկրորդ խաղ՝ կողմերի և առաջին հերոսի ընտրության հաջորդականության փոփոխում։ Երրորդ խաղը ավտոմատ է (մետաղադրամի նետում):
3. Մասնակիցներ
3.1. Հանդիպման հաղթող է ճանաչվում այն թիմը, որը ոչնչացնում է մրցակցի գահը:
3.2. Դիմակայության մեկնարկից առաջ թիմն իրավունք ունի մրցավարի միջոցով պահանջել հակառակորդ թիմին ստուգել, որպեսզի համոզվի, որ խաղացողն անձամբ է խաղում իր խաղային հաշվից: Այս դեպքում ստուգվող խաղացողներն իրավունք չունեն մերժել մրցավարին այս հարցում: Եթե այս պահանջը չկատարվի, խաղը սկսվում է առանց ստուգման:
3․3․ Եթե թիմը համոզված է, որ հակառակորդները խախտել են կանոնները, ապա այն իրավունք ունի հակառակորդին ստուգելու հարցում ներկայացնել: Հարցումը ներկայացվում է խաղի մեկնարկից առնվազն 15 րոպե առաջ, դրա համար հարկավոր է կապվել մրցավարի հետ Discord չատում:
3․4․ Մասնակիցներից պահանջվում է պահպանել գաղտնիություն մրցաշարի կազմակերպիչների հետ շփվելիս: Մասնավորապես, մրցույթի կազմակերպիչներին փոխանցված կամ նրանցից ստացված բոլոր տեղեկությունները դիմումների, բողոքների կամ բողոքարկման ներկայացման և քննարկման շրջանակներում գաղտնի են և չեն կարող հրապարակվել առանց մրցաշարի կազմակերպիչների թույլտվության:
3․5․ Մասնակիցները պետք է պահպանեն վարքագծի ընդունված նորմերը, հարգանք ցուցաբերեն մրցաշարի կազմակերպիչների և մրցավարների, հանդիսատեսի, ինչպես նաև մրցաշարի մյուս մասնակիցների նկատմամբ:
3.6. Մրցաշարի մասնակիցները պարտավոր են պահպանել մարզական վարքի և արդար խաղի սկզբունքները:
3․7․Կեղծանունները, նկարները և թիմերի անունները պետք է լինեն չափի մեջ և չպարունակեն վիրավորական, սադրիչ բառեր: Հակառակ դեպքում թիմի / խաղացողի նկատմամբ կարող են ձեռնարկվել միջոցներ, այդ թվում մրցաշարից որակազրկել: Խաղացողների կեղծանունները չպետք է պարունակեն կողմնակի աղբյուրների գովազդներ, բուքմեյքերական կամ այլ «խաղային» կայքեր: Մրցաշարի կազմակերպիչը կարող է պահանջել փոխել մասնակցի կեղծանունը, եթե դա հակասում է մրցաշարի կանոններին:
3․8․ Մրցաշարին մասնակցելու համար պետք է՝
- Ունենալ խաղային հաշիվ (Steam)
- Մրցաշարին մասնակցության հայտ ներկայացնել
4.Խաղի կարգավորումներ
4․1․ Մրցաշարի անցկացման կարգը
- Թիմերը պետք է անցնեն <<Իմ խաղերը>> բաժին և սպասեն լոբբիում։ Յուրաքանչյուր թիմ պետք է բաղկացած լինի 5 խաղացողներից։
- Լոբբիում բոլոր 10 խաղացողների մուտքից հետո, բոլորը կունենան երկու թիմերի ավագների Dota 2-ի Friend ID-ն, մրցակցի չհայտնվելու դեպքում գրանցվում է տեխնիկական պարտություն։
- Այն թիմը, որը ցանցում ավելի բարձր դիրք ունի, պետք է հրավիրի հակառակորդ թիմի ավագին 10 րոպեի ընթացքում։
4․2․ Ստեղծման հերթականությունը` լոբբի, հակառակորդ թիմեր: Այն թիմը, որը ավելի բարձր է ցանցում տեղակայվում է “Radiant” խմբում: Bo3 հանդիպումների դեպքում ամեն խաղից հետո կողմերը փոխվում են:
4․3․ Խաղի լոբբի․ այն թիմը, որն ավելի բարձր է ցանցում, ինքնուրույն ստեղծում է խաղային լոբբի:
4․4․ Անջատում, վերամիացում, ժամանակավոր դադար (pause): Անջատում է համարվում խաղային հանդիպման ընթացքում ցանցային միացման ցանկացած խզում, որը առաջանում է համակարգում, ցանցում, համակարգչում, լարման հետ կապված անսարքությունների հետևանքով:
4.5. Եթե թիմը տեղնիկական խնդիրների է բախվում, ապա իրավունք ունի ժամանակավոր դադար վերցնելու: Ընդհանուր դադարների թիվը 1 հանդիպման ընթացքում չպետք է գերազանցի 3-ը: Դադարների գումարային (ընդհանուր) տևողությունը չպետք է կազմի ավելի քան 10 րոպե (3 րոպե յուր. դադարի համար)։
4.6. Թիմը իրավունք ունի ավելի երկար դադար վերցնելու (մինչև 15 րոպե), եթե մրցակիցը համաձայն է (մրցակցի համաձայնության դեպքում)։
4․7․ Խաղը դադար տված թիմը պետք է իր մրցակցին բացատրի պատճառը։
4.8. Եթե դադարից հետո խաղացողներից մեկը վերականգնեց խաղը՝ առանց մյուս թիմին նախազգուշացնելու և նրա կողմից հաստատման, դա կարող է համարվել որպես կանոնների խախտում: Եթե այս գործողությունը լրջորեն ազդել է հանդիպման վրա, մրցավարի որոշմամբ թիմը կարող է պարտություն կրել, դրա համար անհրաժեշտ է ապացույց ներկայացնել սքրինշոթի տեսքով:
4․9․ Խաղը կրկին խաղալու դեպքում խաղացողները պետք է ընտրեն նույն իրերը:
4.10. Bo3 խաղերում խաղերի միջև դադար չպետք է գերազանցի 10 րոպեն: Հանդիպման ընթացքում խնդիրներ առաջանալու դեպքում մրցավարի որոշմամբ դադարների տևողությունը կարող է ավելացվել:
5. Խաղերի հեռարձակում
5.1. Մրցաշարի պաշտոնական հեռարձակումը տեղի է ունենում ՀԿՖ-ի YouTube և Twitch ալիքներով:
5.2. Հեռարձակման համար մրցաշարի ցանկացած հանդիպում կարող է ընտրվել ադմինիստրացիայի կողմից: Ընտրված խաղի խաղացողները չեն կարող հրաժարվել հեռարձակելուց:
5.3. Հանդիպումը սկսվում է միայն այն ժամանակ, երբ խաղացողները և հեռարձակողը պատրաստ են:
5․4․ Խաղացողների կամ ստուդիաների կողմից ցանկացած անձնական կամ խաղային հեռարձակում արգելվում է առանց մրցաշարի գլխավոր մրցավարի նախնական համաձայնության:
6․ Մրցավարների հետ շփում
6․1․ Խաղի ընթացքում թիմի ավագները պետք է լինեն պաշտոնական Dota 2 Discord(https://discord.gg/rpc2mtws) ալիքում:
6.2. Վերջնական որոշումներն ընդունվում են մրցավարների կազմի կողմից և կարող են բողոքարկվել Discord չատում: Մրցավարի վերջնական որոշումը բողոքարկման ենթակա չէ:
6.3․ Մրցաշարի ընթացքում նորություններ և տեսանյութեր ստեղծողը հանդիսանում է ադմինիստրացիան: Մրցաշարին մասնակցող թիմերը թույլ են տալիս օգտագործել իրենց տարբերանշանը, նկարները և խաղացողների վերաբերյալ տեղեկությունը ակնարկների կամ նմանատիպ կոնտենտի համար:
6.4․ Բոլոր կազմակերպչական, ինչպես նաև վիճահարույց հարցերը լուծվում են մրցաշարի մրցավարի հետ Discord չատում (https://discord.gg/rpc2mtws)`հաղորդագրությունների միջոցով: Թիմի կողմից հանդիպումների և վիճահարույց իրավիճակների կազմակերպման վերաբերյալ հաղորդակցությունն իրականացվում է բացառապես ավագի կամ մենեջերի կամ թիմի մարզչի կողմից: Իրավիճակը հնարավորինս արագ լուծելու համար, խնդրի նկարագրությունը պետք է լինի կառուցողական` մեկ հաղորդագրությամբ, ներառելով խաղի հղումը և/ կամ թիմին`կախված բուն խնդրից :
Կանոնները կարող են լրացվել կամ փոփոխվել: Կանոններում չնկարագրված բոլոր իրավիճակները կմեկնաբանվեն մրցավարի հայեցողությամբ:
DOTA 2
Դիսցիպլինա: DOTA 2
Անցկացման կարգ: Double Elimination
Ձևաչափ: 5vs5 ONLINE
Մինչև եզրափակիչ: Bo3 (մինչև 2 հաղթանակ)
Եզրափակիչ: Bo5 (մինչև 3 հաղթանակ)
Պլատֆորմ: PC
Գրանցում: 11 - 21 Մարտ 2022
Մրցաշար: 25 Մարտ - 04 Ապրիլ 2022
Մրցանակային ֆոնդ:
1-ին տեղ - 500000 դրամ
2-րդ տեղ - 300000դրամ
3-րդ տեղ - 200000դրամ
Կարգավիճակ: Ավարտված
*Մինչև գրանցվելը խնդրում ենք մանրամասն ծանոթանալ առաջնության կանոնադրությանը։
Live Stream
