1․ Ընդհանուր դրույթներ
1.1. Մասնակցելով մրցաշարային շրջափուլի ցանկացած գործողության՝ մասնակիցը համաձայն է պահպանել սույն կանոնակարգը և մրցաշարի կանոնները և համաձայն է, որ կանոնների խախտման դեպքում նրան կարող են որակազրկել մրցաշարից:
1․2․ Մասնակիցը պարտավոր է օգտագործել միայն մեկ լիցենզավորված հաշիվ և կեղծանուն: Մի քանի հաշիվ ունենալն արգելվում է։ Ցանկացած գործողություն, որը նպատակ ունի խաղային հաշիվն ուրիշին փոխանցելու արգելվում է։ Ցանկացած փոփոխության մասին մասնակիցը պարտավոր է տեղեկացնել կազմակերպչին։
1․3․ Մրցաշարին կարող են մասնակցել 16 տարին լրացած ՀՀ քաղաքացք:
1․4․ Մրցաշարի մրցանակային գումարը վճարվում է մրցաշարի ավարտից հետո 60 աշխատանքային օրվա ընթացքում: Շահումների և մրցանակների միջոցով եկամուտների համար սահմանվում է անհատական եկամտահարկի դրույքաչափ՝ 21%:
1․5․ Մրցանակային տեղեր զբաղեցրած մասնակիցները պարտավոր են տրամադրել անձը հաստատող փաստաթղթերի լուսանկարներ (սկաններ) և անձնական բանկային հաշիվ: Եթե որևէ տվյալ բացակայում է, մրցանակային գումարը չի վճարվի: Եթե մրցանակային գումարի հաշվեգրումը պետք է իրականացվի երրորդ անձով, ապա կարևոր է տրամադրել նրա փաստաթղթերի սկանավորումը և մասնակցի համաձայնությունը:
1․6․ Կազմակերպիչն ունի ոչ բացառիկ իրավունքներ ձայնի, պատկերի, ներառյալ անձինք և անուններ օգտագործել, այդ թվում շոու ծրագրերի գովազդային ազդարարման մեջբերման, պատճենման, օգտագործման իրավունք, բայց նա չի սահմանափակվում այսքանով:Կազմակերպիչը կարող է վերարտադրել, փոփոխել, հրապարակել, թարգմանել, ցուցադրել, տարածել, հեռարձակել և փոխանցել ձայն և պատկեր ներառյալ անուններ, առանց նախնական ծանուցման կամ այլ ձևով որևէ փոխհատուցում մասնակցին: Մասնակիցը հաստատում է, որ նա լիազորում է կազմակերպչին օգտագործել նկարը շոու ծրագիր ստեղծելու համար և այն օգտագործել գովազդային կամ այլ լուսանկարչական, վիդեո, հեռուստատեսային և այլ նյութերի արտադրության մեջ, որոնք չեն վնասի մասնակցի իմիջը: Կազմակերպիչն իրավունք ունի արտադրելու, բաշխելու և օգտագործելու վերը նկարագրված նյութերը երկրի տարածքում առանց բացառության և չսահմանափակված օգտագործման ժամանակով:
2․ Մրցաշարի ձևաչափ
Պլատֆորմ - Play Station 5
Թույլատրվող հեռակառավարման վահանակները - DualSense, Arcade Stick
Ձևաչափ - Double Elimination, (Bo3): Եզրափակիչ - Bo5
Blind pick - Խաղացողները կարող են պահանջել Blind Pick եղանակով կերպարների ընտրություն: Առաջին խաղը սկսվելու առաջ խաղացողներից յուրաքանչյուրը գաղտնի կերպով կհայտնի մրցաշարի կազմակերպչին առաջին խաղի համար իրենց նախընտրելի կերպարների ընտրությունը: Այնուհետև մասնակիցները կընտրեն իրենց կերպարները, իսկ կազմակերպիչը կվավերացնի նրանց ընտրությունը: Եթե մասնակիցը միտումնավոր կերպով չընտրի այն կերպարները՝ որոնք նախապես ասվել էին կազմակերպչին, ապա խաղացողին կգրանցվի տեխնիկական պարտություն:
Loser pick - ON (Պարտվողն իրավունք ունի փոխել կերպարները կամ արենան)
Յուրաքանչյուր խաղից առաջ գրանցման ժամանակաչափ - 10 րոպե
Ընտրության ժամանակ - 2 րոպե
Մեկ հանդիպման տևողությունը - 60 վրկ
2․1 Կարգավորումներ
Խաղի՝ հետևյալ կարգավորումները պետք է գործեն ողջ առաջնության ընթացքում
- Խաղաոճ՝ VS MODE
- Timer` 60 վայրկյան
- Յուրաքանչյուր խաղ՝ 3 ռաունդ
- Stage` Random (կամայական արենա)
- Թարմացնել ողջ ներբեռնվող բովանդակության կերպարները և պատչը
2.2 Կերպարի ընտրություն
Default և Character Preset զգեստները օրինական են մրցաշարերին մասնակցելու համար, բացառությամբ հետևյալները․
- Jack - Preset 7, 3 և 4 զգեստները
- Gigas - Preset 3-ը
- Մրցակիցներին չի թույլատրվում գործածել նույն Preset-ը։ Եթե նրանք երկուսն էլ ուզում են կիրառել նույն զգեստը, ապա պետք է տեղի ունենա մետաղադրամի նետում, որտեղ ճիշտ կռահողը հնարավորություն կստանա ընտրել այդ զգեստը, իսկ պարտվողը կընտրի մեկ այլ զգեստ։
- Եթե խաղացողը ընտրում է նշված զգեստներից որևէ մեկը, ապա խաղը չի հաշվվում և խաղացողները պետք է հետ վերադառնան lobby և վերսկսեն խաղը։
2․3 Հանդիպման ընթացքը
- Խաղացողները ունեն երկու րոպե՝ ընտրելու համար իրենց կերպարներին։
- Խաղացողները ընտրում են իրենց կերպարներին՝ blind pick մեթոդով։
- Սկսվում է առաջին խաղը
- Նախորդ խաղում պարտված խաղացողը կարող է փոխել կերպարը, պահպանելով նույն արենան կամ օգտագործելով նախորդ կերպարը՝ իրենց ընտրած նոր արենայով։
- Հաղթող Խաղացողը պետք է մնա նույն կերպարով։
- Սկսվում է հաջորդ խաղը
- Կրկնվում են վերոնշյալ կետերը՝ բոլոր խաղերի համար, մինչև որ դրանք ավարտվեն
- Ոչ-ոքիներ․ Եթե երկակի նոկաուտով կամ թայմաութի պատճառով է խաղը ավարտվել ոչ-ոքի օգտին, ապա խաղը չի հաշվարկում և մասնակիցները վերախաղարկում են այն՝ նույն կերպարներով։
- Խաղերի անցկացման կարգը
3.1. Մրցաշարերը անցկացվելու են Single կամ Double Elimination ձևաչափով, կախված է մասնակիցների քանակից: Յուրաքանչյուր հանդիպում կկայանա Bo3 (մինչև 2 հաղթանակ) տարբերակով իսկ եզրափակիչը՝ Bo5 (մինչև 3 հաղթանակ):
3.2. Առաջնության բոլոր փուլերը կանցնեն LAN (մասնակիցների ֆիզիկական ներկայություն) տարբերակով:
3.3. Մրցափուլի ավարտից հետո 3 րոպեի ընթացքում յուրաքանչյուր մասնակից պարտավոր է արդյունքը զեկուցել մրցավարին / կազմակերպչին կամ հրապարակել սքրինշոթ (screenshot) Discord-ի համապատասխան չաթում(chat) :
3.4. Մրցավարների որոշմամբ յուրաքանչյուր խաղ կարող է վերախաղարկել:
3.5. Մասնակիցներն ինքնուրույն մարտահրավեր են նետում միմյանց մենամարտի, ով ավելի բարձր է մրցաշարային ցանցում, ստեղծում է խաղի լոբբի և ընտրում կողմերը: Բոլոր հաջորդ խաղերում մասնակիցները փոխում են կողմերը:
3.6 «Խաղի լոբբի մտնելու» անհնարինության դեպքում մասնակիցը պարտավոր է անհապաղ տեղեկացնել իրավիճակի մասին մրցավարին:
3.7 Խաղի լոբբիում թույլատրվում է լինել միայն մասնակիցներին, մրցավարներին և հեռարձակողներին:
3.8 Մրցաշարի մեկնարկից հետո փոխարինումներն արգելված են:
3.9. Տեխնիկական պարտություն
3․9․1․ Հանդիպման մեկնարկից 15 րոպե և ավել ուշացման դեպքում մասնակիցը կարող է տեխնիկական պարտություն կրել խաղում:
3․9․2․ Եթե խաղի ժամանակ օգտագործվում է լուրջ վիրավորական խոսք, մասնակիցը կարող է պարտություն կրել: Պարտությունն ուժի մեջ է միայն մրցավարի հաստատումից հետո։
3․10․ Կապի ընդհատում, վերագործարկում, դադար
3․10․1․ Եթե մասնակիցը տեխնիկական խնդիրներ ունի, նա իրավունք ունի դադարեցնել խաղը: Ընդմիջումների ընդհանուր թիվը չի կարող գերազանցել երեքը մեկ խաղում: Դադարների ընդհանուր տևողությունը 10 րոպեից ոչ ավելի է (3 րոպե յուրաքանչյուր դադարի համար)։
3․10․2. Խաղի ընթացքում խնդիրներ առաջանալու դեպքում մրցավարի որոշմամբ դադարների տևողությունը կարող է ավելացվել։
3․10․3․ Մասնակիցը ավելի երկար դադարների իրավունք ունի (մինչև 15 րոպե) ըստ մրցակցի համաձայնության։
3․10․4. Եթե դադարից հետո խաղացողներից մեկը դադարեցված խաղը վերսկսում է՝ առանց մրցակցին զգուշացնելու և նրա կողմից հաստատման, դա կարող է դիտվել որպես կանոնների խախտում: Եթե այս գործողությունը լրջորեն ազդել է խաղի վրա, ապա մրցավարի որոշմամբ մասնակիցին կարող է վերագրվել պարտություն, դրա համար անհրաժեշտ է ապացույց ներկայացնել սքրինշոթի (screenshot) տեսքով։
3․10․5. Վերախաղարկման դեպքում խաղացողները պարտավոր են ընտրել նույն իրերը, հերոսները և կողմերը։Կապի խափանման դեպքում խաղը կվերախաղարկվի՝ հաշվի առնելով խափանումից առաջ շահած ռաունդները, նույն արենայում գտնվող նույն կերպարները կամ ամբողջությամբ կվերախաղարկվի մրցավարի հայեցողությամբ։
3․10․6. Այն դեպքում, երբ մասնակիցը բազմակի խափանումներ է ունենում տարբեր մրցակիցների հետ խաղի ընթացքում, ապա նա կարող է որակազրկվել մրցավարի/մրցաշարի կազմակերպչի որոշմամբ:
3․11 Կոնսոլի աշխատանքի թերություններ կամ սխալմունքներ՝
3․11․1 Կոնսոլի կամ հեռակառավարման վահանակի (joystick) վատ աշխատելու դեպքում խաղացողը պետք է հայնտի այդ մասին մրցավարին
3․11․2 Տվյալ ռաունդը չեղյալ է համարվում և խաղը վերսկսվում է, եթե չնախատեսված bug-եր կան կամ ոչ միտումնավոր սխալմունքներ
3․11․3 Եթե հանդիպման հեռարձակողի համակարգիչը չի աշխատում ինչպես որ հարկն է, խաղը կշարունակվի, եթե այն ազդեցություն չունենա հանդիպման արդյունքի վրա։ 3․12 Ոչ-ոքիներ՝
3․12․2․ Քանի որ խաղերը չեն կարող ավարտվել 60 վայրկյանից հետո՝ ոչ-ոքի արդյունքով, ում մոտ լինի ամենաշատ կյանքի միավորը, նա էլ կճանաչվի հաղթող։ Կրկնակի նոկաուտի դեպքում ՝ վերջին ռաունդում, պեքտ է սկսել նոր խաղ․ ով որ հաղթի առաջին մարտը, կճանաչվի ռաունդի և ողջ խաղի հաղթող։
- Տուգանք
4.1. Եթե մասնակիցներից մեկը խախտել է կանոնակարգի կետերից մեկը, ապա ցանկացած ապացույց ընդունվում է գլխավոր մրցավարի կողմից և քննարկվում է գաղտնի: Խաղերի ժամանակացույցը կարող է կասեցվել՝ մինչև խախտման բոլոր մանրամասների և հանգամանքների պարզաբանումը:
5․ Գրանցում
5.1. Գրանցումը կիրականացվի Հայաստանի Կիբերսպորտի Ֆեդերացիայի (ՀԿՖ) պաշտոնական տեղեկատվական ռեսուրսների պաստառների կամ հայտարարություններում նշված ժամանակահատվածում:
5.2. Գրանցման հղումը հասանելի կլինի Փետրվարի 4-ին։ Մրցաշարի գրանցումն ավարտվում է Փետրվարի 11-ին:
5.3. Գրանցման համար մասնակիցը պարտավոր է տրամադրի՝
- Անձնագրային տվյալներ
- Discord ID
- PS ID/ XBOX (Microsoft) ID / PS ID
- Էլ․ Հասցե
- Հեռ․ համար
- Ցանկացած այլ տեղեկատվություն, որը կպահանջվի ՀԿՖ-ի կողմից առաջնությունում մասնակցություն ապահովելու համար մինչև մրցաշարի մեկնարկը կամ դրա ընթացքում:
5․4․ Կազմակերպիչն իրեն իրավունք է վերապահում փոխել գրանցման ժամկետը, փակել գրանցումը ժամանակից շուտ կամ հակառակը՝ անհրաժեշտության դեպքում երկարաձգել այն։
5․5․ Մասնակիցների կողմից տրամադրված բոլոր անհրաժեշտ տեղեկությունները պարտավոր են լինել բացառապես պաշտոնական լեզվով` հայերեն:
5․6․ Մասնակցին մրցաշարին որակազրկվելու համար հիմք է հանդիսանում ոչ ճիշտ տեղեկատվության տրամադրումը:
- Հանդիպումների հեռարձակումը
6.1. Մրցաշարի պաշտոնական հեռարձակումը տեղի է ունենում YouTube և Twitch հարթակներով։ Ցանկացած անձնական կամ խաղի հեռարձակում, խաղացողների կամ ստուդիաների կողմից, արգելված է առանց մրցաշարի գլխավոր մրցավարի նախնական համաձայնության:
6.2. Մրցաշարի ցանկացած հանդիպում կարող է ընտրվել ադմինիստրացիայի կողմից հեռարձակման համար: Ընտրված խաղի խաղացողները չեն կարող հրաժարվել հեռարձակումից:
6.3. Հանդիպումը սկսվում է միայն այն ժամանակ, երբ խաղացողները և հեռարձակողը պատրաստ են:
- Մրցավարների հետ շփում
7․1․ Բոլոր կազմակերպչական և սպորտային հարցերը Discord հարթակում լուծվում են մրցաշարի մրցավարների հետ հաղորդագրությունների միջոցով:
7․2․ Վիճահարույց և ոչ ստանդարտ իրավիճակներում մրցավարն իրավունք ունի անձամբ լուծել իրավիճակը: Իրավիճակը հնարավորինս արագ լուծելու համար խնդիրն անհրաժեշտ է կառուցողականորեն նկարագրել մեկ հաղորդագրության մեջ՝ խաղի հղումով՝ կախված բուն խնդրից:
7․3․Մրցակիցների կողմից կանոնների խախտման դեպքում մասնակիցը պարտավոր է դադարեցնել խաղը և տեղեկացնել մրցավարին:
7․4 Մրցաշարի կազմակերպիչների հետ շփվելիս մասնակիցներից պահանջվում է պահպանել գաղտնիությունը: Մրցաշարի կազմակերպիչներին փոխանցված կամ նրանցից ստացված հայտերի, բողոքների, կամ բողոքարկումների ներկայացման և քննարկման շրջանակներում բոլոր տեղեկությունները գաղտնի են և չեն կարող հրապարակվել առանց մրցաշարի կազմակերպիչների թույլտվության:
8․ Բողոք ներկայացնելու հնարավորություն
8.1. Բոլոր բողոքները պարտավոր են հիմնավորված լինել ապացույցներով: Մասնավորապես, պահանջվում է օգտագործել սքրինշոթներ (screenshots)։
8․2․ Բողոքը ներկայացվում է խաղի ավարտից հետո 5 րոպեի ընթացքում, դրա համար անհրաժեշտ է դիմել մրցավարին կամ տեղեկացնել նրան Discord հարթակում։ Խաղի ավարտից 5 րոպե անց որևէ բողոք չի ընդունվի։ Միայն պարտվող մասնակիցը կարող է բողոք ներկայացնել: Բողոքը ընդունվում է քննարկման խաղի ավարտից հետո 10 րոպեի ընթացքում։ Բոլոր բողոքները կքննարկվեն բողոքը ընդունելուց հետո 15 րոպեի ընթացքում և կկայացվի մրցավարի վերջնական որոշումը։ Բողոքի վերաբերյալ մրցավարների վերջնական որոշումն անփոփոխ է։
8․3․ Մասնակիցը, որը մեղադրվել է խաղի կանոնների խախտման մեջ, իրավունք չունի սկսել հաջորդ հանդիպումը առանց մրցավարի թույլտվության:
Նորությունները և տեսանյութերը մրցաշարի ընթացքում ստեղծում է ադմինիստրացիան։ Մրցաշարին մասնակցող մասնակիցները իրավունք են տալիս օգտագործել իրենց պատկերանշանը, լուսանկարները և տվյալները՝ տարատեսակ բովանդակություն ստեղծելու համար:
Այս կանոնները համապատասխանում են <<14-րդ Աշխարհի Առաջնություն — Բալի>> մցրաշարի կանոններին և կարող են լրացվել կամ փոփոխվել: Կանոններում չնկարագրված բոլոր իրավիճակները կմեկնաբանվեն մրցավարի հայեցողությամբ:
TEKKEN 7
FASTEX SPRING CUP 2023
Դիսցիպլինա Tekken 7
Անցկացման կարգ՝ Double Elimination
Ձևաչափ՝ 1vs1 OFFLINE
Մինչև եզրափակիչ: Bo3
Եզրափակիչ: Bo5
Պլատֆորմ՝ Sony PlayStation 5
Կցորդիչները՝ DualSense, Arcade Stick
Գրանցում՝ 04-11 Փետրվար 2023
Մրցաշար՝ 19 Փետրվար 2023, 12:00
Մասնակիցների առավելագույն քանակը՝ 32
Անցկացման վայր՝ Նորքի Այգիներ,193/2
Մրցանակային ֆոնդ՝
1-ին տեղ - 200,000 դրամ
2-րդ տեղ - 120,000 դրամ
3-րդ տեղ - 80,000 դրամ
Մրցաշարին մասնակցության թույլատրվում է ՀՀ քաղաքացի հանդիսացող և 16 տարեկանը լրացած ֆիզիկական անձինք։
Խնդրում ենք նախքան գրանցվելը ծանոթանալ մրցաշարի կանոններին:
Live Stream
