Հուլիսի 31-ից օգոստոսի 7-ը Հայաստանի Կիբերսպորտի Ֆեդերացիայի կողմից կազմակերպվեց EILAT 2021 DOTA 2 ազգային որակավորման փուլը:
Առաջնության գլխավոր գործընկերն էր Vbet ընկերությունը։ Հովանավորների շարքում էր նաև HyperX ընկերությունը։
Մասնակցող թիմերի ընդհանուր քանակը 13-ն էր: Առաջինից երրորդ տեղ զբաղեցրած մասնակիցներին մրցանակներ հանձնեց Հայաստանի Կիբերսպորտի Ֆեդերացիայի նախագահ Սմբատ Սիրադեղյանը։
1-ին տեղ՝ Fire Fist.Reborn - 500.000 դրամ
2-րդ տեղ՝ [A] [A] - 300.000 դրամ
3-րդ տեղ՝ Forever Young - 200.000 դրամ
Առաջնության ողջ ընթացքում թիմերը ցուցաբերեցին համառ պայքար և լարված մրցելույթներ:
Fire Fist.Reborn թիմը հաղթելով այս մրցաշարում հնարավորություն է ստացել ներկայացնել ՀՀ-ն EILAT 2021 13-րդ կիբերսպորտային աշխարհի առաջնության տարածաշրջանային փուլում, որում հաղթելու դեպքում տղաները պայքարը կշարունակեն Էյլաթ քաղաքում կայանալիք՝ առաջնության եզրափակիչ փուլին։
HyperX-ը հաղթող թիմի համար նույնպես պատրաստել էր նվեր, Fire Fist.Reborn թիմի բոլոր անդամները իրենց հետ տուն տարան HyperX Pulsefire Surge մկնիկներ։
Մրցաշարի ֆոտոռեպորտաժը կազմակերպել էր Vmedia- ն: